كحيلان يغادر ..

هاهو الرئيس الامريكي يستعد لمغادرة البيت الأبيض

شوف عيني الدنه واقفه عند باب البيت وبوش منسّف الغتره ورافع الاكمام.. وعاض طرف ثوبه...

وصوته واصل للقديّه<<<<<((زحليقه كبيره غرب الرياض))

خبركم الرجال دمه حار والعمّال ماش.. اللي يكسر ساعه واللي يعفط قدر..

لكن اللي لفت انتباهي .. طاسه كان يمسكها وحرصٍ عليها بالحيل..
يوم نشدت وتطقّست .. طلعت هالطاسه ..مليانه دم تعب طير شلوى وهو يجمعه من العراق وافغانستان وفلسطين..

المهم الرجال اخذ طاسته ودخل بها مكتبه وحط يده وسط الطاسه ثم كتب على الجدار(لاتصااااالح)


وهي ترد السالفه لأوباما
وهو يعزم في مخيمه أعضاء الكونجرس .. الحقيقه كان مخيّم جميل وكان فيه امسيات شعريّه..
ومحاورات
واتضح فيه كرم هذا الرجل..

حاط بجهه محاشي ومشاوي وسلطات وكنافه وقاتوهات

وبالجهه الثانيه بوادي رز.. وحواشي .. وصحون كريمه وفاكهه

عشان يوازن بين الكفتين الاجتماعيتين..
المهم يوم تعشّا ضيوفه.. وهو يجمعهم
قال:.. اسمعوا يالربع..
يحرم علي الزاد.. وعلوم الرجال.. والشراب ان ماكملت اللي بداه كحيلان

..
يوم شفت الوضع تسذا..
وانا اروح اتشوّف لأبن عباد..
اتوحى لأحد يقول ..: قربوا مربط النعامة منّي..

لين ازين مااشوف بسّه
تتربّص لها بارنب في قفيص مسكرٍ عليه..

..
لاشفت ابن عباد ولا شفت جحدر,,


..





طبعاً الكل يعلم بأن شهر رمضان بقي عليه اسابيع قلائل..

ورمضان بكل تأكيد..شهر خير ومغفره ورحمه..

لذلك بهالمناسبه اقول للأبطال المذكورين هنا..
..

((لابوكم لابو من جمّعكم))