اليوم بالصدفه
شاهدت محمد السليمان على قناة الساحة
وكان يغني أغنيه ,.,
أعادتني ربما ((طعش)) سنه للخلف
هذه الأغنيه كنت قد أحببتها من شاعرها
كان ذلك في وقت عاصفة الذاهبه
والبروز الحقيقي لشاعر الأندلس ناصر القحطاني
تقول كلمات القصيده ,.,
يمه اذنبت ونزحـت مـن العشيـره
وان تمنـوا توبتـي مانـي بتايـب
مابـي لدنيـا الغناديـر اي سـيـره
طايح من عـام الاول فـي مصايـب
يمه الي حـب لـه طفلـه صغيـره
وش يسوي لاغـدى فيهـا طلايـب
طفلـة ماكانـت بحـبـي جـديـره
بس كانت غير عـن كـل الحبايـب
كنـت اسميهـا العنـود المستذيـره
ليت اهلها العـام سموهـا عجايـب
كنت اجيها مثـل الامطـار الغزيـره
كنت اضيـع بجوهـا مثـل الهبايـب
واطلب الله هي متـى تصبـح كبيـره
تفهم شلـون المكـان يصيـر ذايـب
ان تغنت صـارت الطرقـه قصيـره
وان تغلت صارت جروحـي عطايـب
وان بكت ناش الفضاء طهر الستيـره
وان شكت راح الحكي مثل الذهايـب
وان توارت مثل الاسـرار الخطيـره
صار لونـي مثـل الايـام العصايـب
ديـرة ماهـي بهـا ماهـي بديـره
لو ثراها عشـب واعلاهـا سحايـب
يمـه تحبيـن طايـلـة الظفـيـره
اه..والله ياعليهـا اسـود ذوايــب
ان تحـرك لـه سواليـف كثـيـره
وان ركـد روح مثـل لمـة قرايـب
عرفتنـي الليـل ونجـوم الظهيـره
بللتنـي بأغنيـات ورحـت طـايـب
كـل عـرق فـي خفوقـي تستثيـره
خايـف تصبـح مراجيحـه نصايـب
صنتها مثـل البحـر لابعـد جزيـره
ماتركـت علومهـا لاهـل الركايـب
قالت ان جاء الراس شايب فيه خيـره
قلت يابنت الحـلال الـراس شايـب
قالت الا الحب وش هو؟ وش مصيره؟
قلت انا استاهل وانـا كـل السبايـب
ماجزا اللي يحب له طفلـه صغيـره
غير قبر وضحكهـا فوقـه نصايـب
