طفولة بدوية ,.,

الطفوله

ذكريات ومواقف

وجنون

اليوم أسترجعت هذه الذكريات..

فلم اجد في طفولتي طفوله :)

في طفولتي كنت كبيره!!!

كنت اجلس مع والدي واقلّده!!!

أتذكر عندما كنت طفله

كنت مقيده بلبس الجزمه والشرابات

وكانت قمة سعادتي حينما نذهب في الصيف عند خالي خارج الرياض

كنت اتحرر من كل هذا

أخرج حافية أركض واقطع الشوارع للذهاب من بيتنا إلى بيت خالي

الذي هو في حي آخر

كنت افعل كمايفعل ابناء خالي

اتذكر بأنه كان هناك شخص مجنون يدعى "عدنان"

كان يرعبني هذا الشخص..

كان يرتدي أحيانا" بشت أسود

وكان الاأطفال هناك يسخرون منه

ويفعلون به المقالب

إلا انا كنت أخاف منه..

وإلى الآن وهو عالق بذاكرتي.. اتمنى لو اعرف عنه اي شي؟؟

كنت اتسائل وقتها.. اين اهله؟؟او لماذا لايدخل مصح نفسي!!

أيضا" أتذكر اول عهد لي بالشعر :)

كانت قصيدة

" يامل قلبٍ يسج وفيه دولاجه"

كان أحد أقاربي يشيلها وأنا أردد خلفه

ولازلت أحفظ هذه القصيده بذاك اللحن..

وأول علمي بالمحاورات

كان الشاعر جار الله السواط

وكان له محاوره يقول فيها

القرص ماهو مشبعن محسن وحسان وحسن لاأدري لماذا حفظت من المحاوره هذه فقط

ربما كنت جائعه في وقتها

..

سأعود بذكريات اخرى في وقت لاحق

"أعطني حريتي أطلق يدايا"

....... مِن سجون الصَّمت ِ بل أطلِق فَمْي!

وآنا متخفيّ ورى بيض النوايا

........... ناشف ٍ ريقي قبل يَنْشَف دمـْي

ليت ذاكْـرتـْي مثـل وجه المرايا

......... تعكس اللي وسْط بالي : فـ قْلْمي

شكراً يــا ......!!!!

الشعر باب الــــــــــــكلام البكر يارواد الأشـــعار

....صوره وفكره عصت غيري وطوعهـــــــــا عنادي

جيت اطرق أبواب وامشي درب محفوفة بالاخطار

....ماجيت عادي وبرحل من حياتي غير عــــــــــادي

مارفرف السيف زينه في العلم له رمز وأشــعار

....يحفظ قصاص الجروح ويقصف أعناق الأعــادي

اكبر من الشكر شكرا للملك وكفوفه أمطــــــــار

....من وين ماحــــــــــطت يدينـه تشــــــجر كل وادي

يبقى العلم فوق واحنا ياوطن فوق العــــــــلم نار

....نار على أعداك تصبح في المداين والـــــــبوادي

الدرب شايك وصدري ليل متلعثم بالأســــــــــرار

....والريح تكسر مجاديفي على صهـــــــــوة جوادي

اطوي المدينة وأشوف الناس تاكل بعض واحتار

...وأحس مافي الوطن غيري مواطن له مــــــبادي

أزمة مواطن خلاقها في البلد تاجر وسمــــسار

....هذا يصلــــــــــح لهذا بالرجول وبالأيــــــــــــادي

زادت معاشاتنا شكرا وطارت فوق الأسعــــــار

...يعني رجعنــــــــــــــــــــا كما كنا وعفوا يابلادي

قال اتصل بالمراقب قلت ذا حمال الأخــــــــــبار

....ياما اتصلــــــــــــنا ولأكن لاحياة لمن تنـــــادي

طيب وش الحل قاطع كل منتج يابن الأحــــرار

....يعني يكفيك واحــــــــــد بر مع علبة زبــــــادي

قاطع سنه ثم جاني قلت نفس الوضع ياجــــار

....أنا مقاطع سنه مثلك ولاجـــــــــــــــاني مرادي

شف كيف أنا وأنت يبني الجوع في دارنا دار

....واحنا كما بعضنا ناقف وموقفـــــــــــنا حيادي

الفقر مابيننا ذيب يعوى وأرزاقنا غــــــــــــار

....تلقاه مع كل شرفه من صلاة الفــــــــجر بادي

في عيون الأطفال مات الحلم موت الطالب الثار

....وأصبح بعضهم يواسي بعض مستقبل رمادي

زادت معاشاتنا شكرا وطارت فوق الأســعار

....يعني رجــعنا كما كنا وعـــــــــــفوا يــــابلادي

أزمة مواطن غبية في البلد بسباب تجــــــــار

... مال البقية دخل فيها على حسب اعتقـــــــادي

اسمج الشعر اكذبه

قبل ايام
في احد مسابقات الشعر

رأيت احد الشعراء المشاركين ..

وقد اتى بقصيده ..

وانا اسمعها خيّل الي انها في احد الأنبياء..

بل انها تجاوزت ذلك.. وكادت ان تضع الممدوح في منزلة الآلوهيه

قصيده اغدقت بالمدح حتى كدت ان استفرغ,,
..

والمشكله الاعظم ان الجميع اشاد بهذه القصيده..
وانا اجزم ان اسم الممدوح.. هو الذي اجبرهم على هذه الإشاده المبالغ بها,,

عنــاد و عيون عليا.. و يالله تعظم الاجر

اييييييه..

حالفين ينكدون علينا بكل رمضان؟؟؟

..

وضحى وللحين دابله تسبودنا تجينا عليا!!!!!

لا وعيون عليا وهي ماغطةٍ الكحيله لين شبكتها بالحواجب..!!!

ياإم بي سي.. خلونا نعيّن خير..

خلونا نتم صيامنا ..

..

كحيلان يغادر ..

هاهو الرئيس الامريكي يستعد لمغادرة البيت الأبيض

شوف عيني الدنه واقفه عند باب البيت وبوش منسّف الغتره ورافع الاكمام.. وعاض طرف ثوبه...

وصوته واصل للقديّه<<<<<((زحليقه كبيره غرب الرياض))

خبركم الرجال دمه حار والعمّال ماش.. اللي يكسر ساعه واللي يعفط قدر..

لكن اللي لفت انتباهي .. طاسه كان يمسكها وحرصٍ عليها بالحيل..
يوم نشدت وتطقّست .. طلعت هالطاسه ..مليانه دم تعب طير شلوى وهو يجمعه من العراق وافغانستان وفلسطين..

المهم الرجال اخذ طاسته ودخل بها مكتبه وحط يده وسط الطاسه ثم كتب على الجدار(لاتصااااالح)


وهي ترد السالفه لأوباما
وهو يعزم في مخيمه أعضاء الكونجرس .. الحقيقه كان مخيّم جميل وكان فيه امسيات شعريّه..
ومحاورات
واتضح فيه كرم هذا الرجل..

حاط بجهه محاشي ومشاوي وسلطات وكنافه وقاتوهات

وبالجهه الثانيه بوادي رز.. وحواشي .. وصحون كريمه وفاكهه

عشان يوازن بين الكفتين الاجتماعيتين..
المهم يوم تعشّا ضيوفه.. وهو يجمعهم
قال:.. اسمعوا يالربع..
يحرم علي الزاد.. وعلوم الرجال.. والشراب ان ماكملت اللي بداه كحيلان

..
يوم شفت الوضع تسذا..
وانا اروح اتشوّف لأبن عباد..
اتوحى لأحد يقول ..: قربوا مربط النعامة منّي..

لين ازين مااشوف بسّه
تتربّص لها بارنب في قفيص مسكرٍ عليه..

..
لاشفت ابن عباد ولا شفت جحدر,,


..





طبعاً الكل يعلم بأن شهر رمضان بقي عليه اسابيع قلائل..

ورمضان بكل تأكيد..شهر خير ومغفره ورحمه..

لذلك بهالمناسبه اقول للأبطال المذكورين هنا..
..

((لابوكم لابو من جمّعكم))

بدونــ تعليقـ ,.

قف ,.

أمامك منعطف خطير

العام الاول كـل من حولي يتعنـا لي

... ياشين وقتٍ يـــحد الـــناس للعتمــه !!!
..

اين انت ياجدّي؟؟؟
لم ارى لك سوى صوره عند والدي..واحاديث يرددها على مسامعي كل من يراني..الجميع يقول بأنك تذكّرهم بعمر بن الخطّاب رضي الله عنه..جدي..

اريد ان اجلس معك.. وامد لك من صافي البن مالاق:)

ياااااه لو تعلم كم اتتبّع قصصك..

رحمك الله ياجدي وغفر لك..واسكنك الفردوس الأعلى..

سنين واسراب الطيور (اتـْدلّ) الاعشاش وتضيع!

.............. وانا الوحيد اللي رجع عشرين عام مْن الغمام!

رجعت ادوّر صوت جدي والمواسم والربيـع

.................. ليلة ورى ليلة ورى ليلة.. قبل عصر الظلام

وصلت منهك والوله يجتاحني لحظة واطيع:

............ للطين ، ظلْ النخـْل ، ريح الهيل ، تهديل الحمام

رجعت وحدي مالقيت الا غيابات الجميع!

.............. وجلست مع نفسي ادوّرني ورى طين الكـلام

أركيت ظهري واسترحت وقلت في نفسي بـبيع

................ صوتي لوحدي واختنقت ومت من قـل الزحام!

الماضي أجمل .. وانتظاري جف واتأخر ربيـع

.............. شكلي ابـ اتقـّدم عبث .. عشرين عام مْن الظلام!

ذكريات طفـلـهـ ,.,

اليوم بالصدفه

شاهدت محمد السليمان على قناة الساحة

وكان يغني أغنيه ,.,

أعادتني ربما ((طعش)) سنه للخلف

هذه الأغنيه كنت قد أحببتها من شاعرها

كان ذلك في وقت عاصفة الذاهبه

والبروز الحقيقي لشاعر الأندلس ناصر القحطاني

تقول كلمات القصيده ,.,

يمه اذنبت ونزحـت مـن العشيـره
وان تمنـوا توبتـي مانـي بتايـب

مابـي لدنيـا الغناديـر اي سـيـره
طايح من عـام الاول فـي مصايـب

يمه الي حـب لـه طفلـه صغيـره
وش يسوي لاغـدى فيهـا طلايـب

طفلـة ماكانـت بحـبـي جـديـره
بس كانت غير عـن كـل الحبايـب

كنـت اسميهـا العنـود المستذيـره
ليت اهلها العـام سموهـا عجايـب

كنت اجيها مثـل الامطـار الغزيـره
كنت اضيـع بجوهـا مثـل الهبايـب

واطلب الله هي متـى تصبـح كبيـره
تفهم شلـون المكـان يصيـر ذايـب

ان تغنت صـارت الطرقـه قصيـره
وان تغلت صارت جروحـي عطايـب

وان بكت ناش الفضاء طهر الستيـره
وان شكت راح الحكي مثل الذهايـب

وان توارت مثل الاسـرار الخطيـره
صار لونـي مثـل الايـام العصايـب

ديـرة ماهـي بهـا ماهـي بديـره
لو ثراها عشـب واعلاهـا سحايـب

يمـه تحبيـن طايـلـة الظفـيـره
اه..والله ياعليهـا اسـود ذوايــب

ان تحـرك لـه سواليـف كثـيـره
وان ركـد روح مثـل لمـة قرايـب

عرفتنـي الليـل ونجـوم الظهيـره
بللتنـي بأغنيـات ورحـت طـايـب

كـل عـرق فـي خفوقـي تستثيـره
خايـف تصبـح مراجيحـه نصايـب

صنتها مثـل البحـر لابعـد جزيـره
ماتركـت علومهـا لاهـل الركايـب

قالت ان جاء الراس شايب فيه خيـره
قلت يابنت الحـلال الـراس شايـب

قالت الا الحب وش هو؟ وش مصيره؟
قلت انا استاهل وانـا كـل السبايـب

ماجزا اللي يحب له طفلـه صغيـره
غير قبر وضحكهـا فوقـه نصايـب